கிருஷ்ணா கிருஷ்ணா

அனைவருக்கும் இனிய கிருஷ்ண ஜெயந்தி நல்வாழ்த்துகள்!

கிருஷ்ணா கிருஷ்ணா கிருஷ்ணா கிருஷ்ணா

கோகுல கிருஷ்ணா வா வா

கிருஷ்ணா கிருஷ்ணா கிருஷ்ணா கிருஷ்ணா

கோகுல கிருஷ்ணா வா வா

 

பலப் பலகாரம் பக்ஷணமெல்லாம்

உனக்காகத்தான் கிருஷ்ணா

பாலும் தயிரும் மோரும் வெண்ணெயும்

உனக்காகத்தான் கிருஷ்ணா

 

புல்லாங்குழலை ஊதிக் கொண்டு

புவியை மயக்கும் கிருஷ்ணா

கல்லும் கூடக் கரையச் செய்யும்

கனிமுகங் கொண்ட கிருஷ்ணா

 

கரு விழி இரண்டும் வண்டாய்ச் சுழலும்

கார் மேக வண்ணக் கிருஷ்ணா

குறும்புச் சிரிப்பு இதழ்களில் ஆடும்

கட்டிக் கரும்பே கிருஷ்ணா

 

காலிற் சதங்கை சிணுங்கிக் கிணுங்க

ஓடி வா வா கிருஷ்ணா

முடியில் சூடிய மயிலறகாட

ஆடி வா வா கிருஷ்ணா

 

தேவகியோடு யசோதையோடு

நானும் ஓர் தாய் கிருஷ்ணா

மடியினில் வாரி மார்போடணைப்பேன்

நீ என் சேயே கிருஷ்ணா

--கவிநயா

Bhaktisulabham: NARAYANEEYAM DASAKAM - 32 - MATSYA AVATHARAM

Bhaktisulabham: NARAYANEEYAM DASAKAM - 32 - MATSYA AVATHARAM: Dasakam - 32 - Matsya Avatharam Sathya yuga was about to end and Pralaya was to take place at the end of the sixth Manvantara. Bra...

நல்லதே செய்வோம்

நல்லதே படிப்போம்

கோகுல கிருஷ்ணா

மார்கழி மாதமாவது கிருஷ்ணன் ஞாபகம் வரணும்ல? ரொம்ப நாளாச்சு இந்தப் பக்கம் வந்து...நலந்தானே?

கோகுல கிருஷ்ணா கோகுல கிருஷ்ணா
என்ன உன் லீலையோ?
பால் வெண்ணைய் செய்யும் கோபியர் மீது
என்ன உன் மோகமோ?
(கோகுல)

எத்தனையோ குலமிருந்தும் ஆயர் குலத்தில் பிறந்தாய்
எத்தனையோ செல்வமிருந்தும் வெண்ணெயைத் திருடித் தின்றாய்
உலகைக் காக்க வந்து விட்டு உரலில் கட்டுப் பட்டாய்
ஒன்றுமறியா பிள்ளையைப்போல்பல கள்ளத்தனங்கள் செய்தாய்
(கோகுல)

புல்லாங்குழலை ஊதி ஊதி மனதை மயக்குகின்றாய்
மஞ்சள் ஆடை அணிந்து அழகில் மதனை விஞ்சுகின்றாய்
மயிலிறகைச் சூடும் கிருஷ்ணா, என்னையும் சூடிக் கொள்ளாயோ?
மணி மார்பில் மாலையாகும் பேறு எனக்குத் தாராயோ?
(கோகுல)


--கவிநயா