Sunday, August 13, 2017

முத்தம் ஒன்று தாடா!

அனைவருக்கும் இனிய கோகுலாஷ்டமி வாழ்த்துகள்! குட்டிக் கிருஷ்ணனுக்குப் பிறந்த நாள் வாழ்த்துகள்!!


சின்னச் சின்னப் பாத மெடுத்து 
செல்லக் கண்ணா வாடா
முத்துப் பவழ வாய் குவித்து
முத்தம் ஒன்று தாடா
(சின்னச் சின்ன)

சுற்றிச் சுழலும் கருவிழி கண்டு
உள்ளம் மயங்குதடா
பற்றிக் கட்டிக் கொஞ்சிஅணைக்க
நெஞ்சம் ஏங்குதடா
(சின்னச் சின்ன)

பாயும் யமுனா நதியை அன்றுன்
பாதம் தொட்டதடா
சீறும் காளிங்கன் தலை மீதுந்தன்
பாதம் பட்டதடா

உன்னைத் தாயாய் எந்தன் சேயாய்
அழைத்தேன் வருவாயோ?
மார்பில் உதைத்துப் பாதம் பதித்து
இன்பம் தருவாயோ?
(சின்னச் சின்ன)


--கவிநயா


  © Blogger template 'Sunshine' by Ourblogtemplates.com 2008

Back to TOP